cAroL`柒
初級會員
會員編號 90646
精華
0
積分 1096
帖子 276
威望 0 點
I-See幣 13188 錢
GAME幣 120 個
MSN宣傳 0 次
性別
 女
配偶 未婚
閱讀權限 60
註冊 2005-12-23
註冊天數 7251
狀態 離線
|
|
|
|
*-＊第八日 戀戰＊-*
[“9月30日既早上7點…”]
思媚 {“爸爸…食早餐了!!”}
[“思媚走去爸爸個房度…發現爸爸已經出左去…”]
思媚 {“平時唔到8點佢都唔走架喎…咁奇怪既…”}
[“於是思媚返入房…拎本日記黎睇…”]
{{2006年9月30日…天氣晴朗…
今日一早屋企剩低我一個…真係悶到抽筋呀!!!於是我就約左三個朋友去玩…
中午12點…我地係水坑尾M記等…
齊人之後我地入左M記食野…上到二樓果陣…我見到一個好熟面口既人…佢望住我既時候…我感覺到佢認得我…但係我無理咁多…是但搵左個四人座位就坐低…
點知果個人走埋黎喎…佢同我講咁岩既…佢一講野我就記得佢係邊個…就係之前返屋企遇到既果個人…
佢仍然身後成三四個人…搞到我個朋友好驚…呢個時候另外兩個朋友買好野食上左黎二樓…佢地見到成班人圍住我地…就衝過黎…
經過一段談話之後…本來四人行就變左六人行…
我地行到咁上下…見到一個女人…佢似乎想遺棄個BB…真係太蠢…你話係咪??}}
思媚 {“另外果兩個人係邊個呢??至於個BB…又係發生咩事??”}
[“到左11點…思媚真係覺得好悶…於是佢打電話比凱韻…梓鋒同子豪…約曬佢地一齊出黎玩!!”]
[“12點…全部人都係水坑尾M記到齊…”]
凱韻 {“好肚餓…不如上去食埋野啦!!”}
思媚 {“嗯…正有此意…”}
[“按照日記內容…思媚同凱韻上二樓搵位…梓鋒同子豪就負責買野…”]
思媚 (“應該係佢…”)
[“搵好位…思媚同凱韻坐低左…而日記中所講果個人都行左過黎…”]
大佬 {“嗨!!乜咁岩呀!!”}
思媚 {“你想點…後面咁多人想點先…”} [“雖然感覺上思媚好大膽…其實內心驚到想喊…”]
大佬 {“係咪唔歡迎我呀??”}
[“呢個時候梓鋒同子豪都黎左…”]
子豪 {“喂…你邊個…想點!!”}
大佬 {“我個名叫劉智銘…人稱銘哥!!”}
梓鋒 {“你想點先!!”}
智銘 {“超…咁緊張做乜??你地幾個走先…”}
手下A {“哦…再見啦大佬…”}
[“智銘3個手下就走左…”]
[“呢個時候…一個女仔行左過黎…”]
害翠 {“契哥…得啦我…”}
[“害翠見到梓鋒…成個人都360度轉變…”]
害翠 {“咁岩既??阿鋒…”}
思媚 {“嗨…阿翠…”}
害翠 {“又係你個八婆!!你仲痴左阿鋒做乜呀!!”}
智銘 {“嘈乜呀你…收聲企埋一邊啦!!”}
害翠 {“阿哥你!!”}
[“智銘好凶咁望住害翠…害翠無辦法唔企埋一邊…”]
[“凱韻細細聲同思媚講…”]
凱韻 {“佢好維護你呀!!”}
思媚 {“咪玩啦…佢黑社會架!!”}
[“沉默左一陣…大家就坐埋一齊食野…”]
智銘 {“等陣你地諗住去邊??”}
思媚 {“未知架…”}
梓鋒 {“不如周圍行下啦…”}
害翠 {“好呀好呀!!”}
梓鋒 {“阿韻你點??”}
凱韻 {“無所謂呀…”}
[“之後六個人就去左新馬路行街…梓鋒就誓死都同思媚行埋一齊…而害翠又當然就痴埋梓鋒度…仲橋住梓鋒隻手…搞到思媚好唔自在…唔知呢D係咪吃醋呢??而智銘又行係思媚隔離…只係得凱韻同子豪行埋一齊…思媚發覺凱韻同子豪已經有進一步發展…都好為佢地開心!!”]
[“行到咁上下…就去左DISO…”]
害翠 {“阿鋒阿鋒…你覺得靚唔靚呀??”}
[“梓鋒就埋去睇下…”]
梓鋒 {“幾好喎!!你鐘意??咁我買左佢…”}
[“害翠一心以為係送比佢…所以開心到乜咁…”]
智銘 {“係喎…阿媚你試過用呢隻溫泉粉沖涼??好爽架喎!!”}
思媚 {“你鐘意架??咁我買返兩盒先…”}
[“到左比錢果陣…”]
梓鋒 {“媚媚…送比你架…”} [“梓鋒送左頭先害翠話好靚既果個擺設比思媚…”]
思媚 {“咦!!我都有野送比你喎…”} [“思媚送左盒溫泉粉比梓鋒…”]
害翠 {“阿鋒…你唔係買黎送比我架咩!!點解送比佢架!!”}
梓鋒 {“幾時話過送比你呀??”}
智銘 {“仲以為有人送野比我添…”} [“扮曬失望咁…其實心入面好妒忌梓鋒…”]
[“另一方面…”]
凱韻 {“阿豪你覺唔覺得有一陣火藥味…”}
子豪 {“一早聞到啦…唔好理佢地啦…我地自己玩啦…”}
凱韻 {“又好!!”}
[“玩到下午6點幾…思媚係時候返屋企…當佢地搭電梯上1樓果陣…”]
思媚 {“咦??佢咪係我表姐??”}
智銘 {“你識佢??”}
梓鋒 {“喂喂!!咪講住…架BB車呀!!”}
思媚 {“啊!!死啦…快D過去啦!!”}
[“由於個電梯係向上升…所以思媚佢地想落去都落唔到…眼光光睇住架BB車滑落電梯…”]
思媚 {“啊!!”}
[“思媚伏左係梓鋒度喊…”]
[“返屋企途中…智銘同思媚佢地分開…剩低思媚同梓鋒兩個返屋企…”]
梓鋒 {“你無事呀嘛??”}
思媚 {“嗚嗚…係我害成咁架…”}
梓鋒 {“唔關你事架!!係意外喳!!唔好亂諗啦…”}
思媚 {“你唔明架啦…你根本唔明…”} [“思媚企係度喊…”]
梓鋒 {“聽我講…有我係你身邊…我係唔會比你喊…聽我講…呢件事唔係你既錯…”}
思媚 {“唔…”} [“果然收聲唔喊…”]
梓鋒 {“做我女朋友…比我保護你…好冇??”}
思媚 {“嗯!!嗚嗚…”}
[“兩個人揇住左…思媚開心到邊喊邊笑…”]
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
